Wednesday, August 08, 2007

320.வாஷிங்டனில் ராஜாஜி

"வாஷிங்டன் டி,சியை எனது விமானம்(!) நெருங்கிக் கொண்டிருந்தது. பொன்மாலைப்பொழுதின் இனிய மாலை வெயிலில் நனைந்தபடி அந்திநேர சூரியனுக்கு பிரியாவிடை தந்துவிட்டு அலுமினியப்பறவையின் அடிவயிற்றிலிருந்து கீழிறங்கினேன்"

(சாயந்திரநேரம் வாஷிங்டன் ஏர்போர்ட்டுக்கு போய் சேர்ந்தேனு சொல்ல இத்தனை பில்டப்பா?இது ரொம்ப ஓவர்-அனானி பின்னூட்டம்)

ரோனல்ட் ரேகன் ஏர்போர்ட் ஏதோ மூன்றாவது உலக நாட்டின் ஏர்போர்ட் மாதிரி இருந்தது.சின்ன ஏர்போர்ட்.துரித உணவகங்களில் சுத்தமாக வெரைட்டியே இல்லை.ஒப்பீட்டளவில் டென்வர் விமான நிலையம் மிகப்பெரிது.பர்கர் கிங், பாண்டா எக்ஸ்பிரஸ் என பல வெரைட்டிகளில் அங்கே உணவு கிடைக்கும்.ஆனால் தலைநகரின் ஏர்போர்ட்டில் சான்ட்விட்சை தவிர எதுவும் கிடையாது.பேக்கேஜ் க்ளைமிலும் அதிக கூட்டம்,இட நெருக்கடி.

ஹில்டன் செல்ல ஷட்டில் இருக்கிறதா என தேடினேன்.எதுவும் கண்ணுக்கு படவில்லை.ஓட்டலுக்கு போன்போட்டு கேட்டால் ஷட்டில் இல்லை என்று சொல்லி விட்டார்கள்.அப்புறம் ஒரு டாக்சியை பிடித்து ஓட்டலுக்கு போனேன்.டாக்சி டிரைவர் இந்தியர்.போகும் வழியில் உள்ள லாண்ட்மார்க்குகளை சுட்டிக் காட்டிக்கொண்டே வந்தார்.வழியில் இருந்த வாட்டர்கேட் எனும் பில்டிங்கை காட்டினார்.வாட்டர்கேட் நிக்சனை கவிழ்த்த இடமாச்சே என அதிசயத்துடன் பார்த்துக்கொண்டே போனேன்.

ஹில்டன் ஓட்டலுக்கு போனால் லாபியில் செக்-இன் செய்ய வரிசையில் நிற்கவேண்டும்.15 நிமிடம் வரிசையில் நின்றால் ஒரு ஸ்மைலோ, "ஹர் ஆர் யூ டுயிங் டுடே?"வோ கூட கிடையாது.'வாட் கேன் ஐ டூ ஃபார் யூ?" என நேரடியாக பிசினசுக்கு வருகிறார்கள்.போகும்போதும் ஒரு "ஹாவ் அ நைஸ் டே" கிடையாது.

எலெவேட்டருக்கு தவமிருக்க வேண்டும் போலிருந்தது.சுமார் 10 நிமிடங்கள் தவமிருந்து தான் மேலே போக எலவேட்டர் கிடைத்தது என்று சொன்னால் நம்ப கடினமாக இருக்கலாம்.ஆனால் தலைநகரின் ஹில்டனில் இதுதான் நிலைமை.ரூமிலும் அதிக இடவசதி இல்லை.பெட், பாத்ரூம், காபி மெஷின்,டிவி- இவ்வளவுதான்.

தலைநகரில் வெயில் கொளுத்தி எடுக்கிறது.புதரகத்தில் பல மாநிலங்களில் வெயில் 111, 119 என அடிக்கவிருப்பதாக வெதர் சேனல் சொல்லியிருந்தது.கொளுத்தும் வெயிலில் அறை அனலாக தகித்தது.ஏசியை திருகினால் 71.5 டிகிரிக்கு கீழே போக மறுத்தது.ரூம் சர்வீசை கூப்பிட்டு புகார் செய்தவுடன் ஏசியை ரிப்பேர் செய்ய ஆளை அனுப்பினார்கள்.வந்து பார்த்தவர் "இந்த ஓட்டலில் எந்த அறையிலும் 71.5 டிகிரிக்கு கீழே ஏசியை திருக முடியாதபடி புரக்ராம் செய்துள்ளார்கள்" என தெரிவித்தார்"

இது போல் கிறுக்குத்தனத்தை எந்த ஓட்டலிலும் கேள்விப்பட்டதில்லை என்பதால் அதிர்ச்சி அடைந்தேன்.$80 வாடகை வாங்கும் சூப்பர் எட்டு மோட்டலில் கூட இதுபோல் செய்வதில்லை.கரண்டை இப்படித்தான் மிச்சம் பிடிக்க வேண்டுமா என்ன?

இந்த வெயிலில் 71.5 டிகிரியில் தூங்க முடியாது, கம்ஃபர்ட்டரை போர்த்தினால் மேலும் வெப்பம் அதிகரிக்கும் போன்ற வாதங்களை எடுத்து வைத்தவுடன் வேறு ஏற்பாடு செய்கிறேன் என்று சொல்லி கீழே போனவர் கொஞ்சநேரம் கழித்து ஒரு ஃபேனை கொண்டுவந்து அறையில் வைத்தார்.

ஃபேன் காற்றில் தூங்கவா இந்த வாடகை வாங்குகிறீர்கள் என திட்டியபடி ரூமை பூட்டிவிட்டு சாப்பிட கிளம்பினேன்.ஓட்டலில் ஒரே ஒரு ரெஸ்டராண்ட் தான் இருந்தது.அதில் எதிர்பார்த்தபடி எந்த சைவ உணவும் இல்லை.வெளியே போய் தேடியதில் ஒரு இந்திய உணவகம் கண்ணில் பட்டது.மென்யூ கார்டை வாங்கியதும் மயக்கமே வருவது போல் விலை.தலைநகரமாச்சே, விலை அப்படி இப்படித்தான் இருக்கும் என சமாதானம் சொல்லிக்கொண்டு ஆர்டர் செய்தபின் உணவு சுத்தமாக நன்றாக இல்லை.தண்டம்.

அடுத்தநாள் காலை கேபில் ஏறி ஜூவுக்கு போனேன்.போகும் வழியில் "ராஜாஜி உணவகம்" கண்ணில் பட்டதும் சிரிப்பு வந்துவிட்டது.நம்ம வலைபதிவு நண்பர்கள் இதை பார்த்தால் ஆக்ரோஷமாக பதிவு போடுவார்களே என நினைத்தபடி ஜூவுக்கு போனேன்.

ஜூவில் அட்ராக்ஷன் பாண்டா கரடிதான்.பாண்டாவின் கண்னாடி கூண்டுக்கு வெளியே நின்று போட்டோ எடுத்துக்கொண்டு, இன்வெர்டிப்ரேட்சை சுற்றி சுற்றிபார்த்துவிட்டு நடந்தால் வெயிலில் தலை சுற்றுவது போல் இருந்தது. வெண்டிங் மெஷின்களில் கிரெடிட் கார்ட் வாங்குகிறார்கள்.இந்த டெக்னாலஜி இன்னும் மற்ற ஊர்களில் அதிகமாக பரவவில்லை.

ஜூவை விட்டு வெளியே வந்து வெள்ளை மாளிகைக்கு கேபில் போனேன். வெள்ளைமாளிகையை பார்க்க டூரிஸ்ட்கள் முண்டியடித்தனர். ஏகப்பட்ட பேர் போட்டோ எடுப்பதால் அந்த வழியில் நடப்பதே சிரமம்."எக்ஸ்கியூஸ்மி" சொல்லிக்கொண்டே நடக்க வேண்டியிருக்கிறது.

நான் போன அன்று ஆப்கனிஸ்தான் ஜனாதிபதி ஹமீத் கர்சாய் வெள்ளை மாளிகை வந்திருந்தார்.வெள்ளைமாளிகை புல்வெளியில் அவரும் ஜார்ஜ் புஷ்ஷும் நிருபர்களுக்கு பேட்டி கொடுத்து கொண்டிருந்தனர்...பேட்டியை நான் பார்த்தேனா என கேட்காதீர்கள்..அன்றைக்கு சாயந்திரம் சி என் எனில் பார்த்தேன்:)

வஷிங்டனில் ஸ்மித்சோனியன்,லிங்கன் மெமோரியல், ஆர்ட் மியூசியம் என பார்க்க வேண்டிய இடங்களின் பெரிய பட்டியலையே கொடுத்திருந்தனர். ஆனால் எங்கும் போக முடியவில்லை.வெயில் மற்றும் போன வேலைபளு என அடுத்த நாலைந்து நாளுக்கு எங்கும் நகர முடியவில்லை. நேற்றுதான் ஊர் வந்து சேர்ந்தேன்.

13 comments:

ILA (a) இளா said...

நல்ல பிள்ளையா Travelogue சொல்லிட்டு இருக்கும் போது சம்பந்தமே இல்லாத ராஜாஜி ஹோட்டலை பத்தி எழுதி சூடாவானேன். நல்லா இருக்கு உங்க பயண கட்டுரை.
ஹில்டன் ஹோட்டல்ல இத்தனை பிரச்சினையா? Extended Stay பரவாயில்லை போல இருக்கே

Unknown said...

இளா

நன்றி..ஹில்டனில் ஐந்து நாள் தங்கியும் இதே பிரச்சனைதான் இருந்தது.

ராஜாஜி உணவகம் பார்த்ததும் உடனே நம்ம வலைபதிவு மக்கள்ஸ் ஞாபகம் வந்துவிட்டது. அதனால்தான் எழுதினேன்.

Anonymous said...

//ஏசியை திருகினால் 71.5 டிகிரிக்கு கீழே போக மறுத்தது//

A human body is very comfortable about 78 F(eskimos excluded!). Most of the control rooms (at offices etc.,)are set at 78 F. Do we really need to be below 78 or say 75?? Is it general or I am making a mistake??
At my home i set it at 78 and use fans to get the breeze. That "chillness: makes you feel about 70 F(exactly what they did at Hilton?).
Smithsonian museums are the best to see in the capital. usually May/ JUNE are beter months..(not very hot)

ILA (a) இளா said...

//ராஜாஜி உணவகம் பார்த்ததும் உடனே நம்ம வலைபதிவு மக்கள்ஸ் ஞாபகம் வந்துவிட்டது. //
இது மாதிரி எனக்கும் சில இடங்களை கண்டால் பதிவர்கள் ஞாபகம் வரும். என்ன செய்ய? சிரிச்சுகிட்டே அடுத்த இடம்பார்க்க போனாலும், தமிழ்ப்பதிவுகளின் தாக்கம் அப்ப்டி இருக்குன்னு நினைச்சுக்குவேன்.

Unknown said...

Anonymous,

I felt uncomfortable with 71.5 degrees in the night.One reason is the bed in hilton.It was a winter bed with layers and layers of cloth.Another reason may have to do with quality of airconditioning machine.It must have been pretty old.Across the room, the spread of air wasnt even.It was a window AC and not centralized.

I usually set at 67- 70 while sleeping. 1.5 degrees should not have mattered, but for some reason the room felt very hot.Probably they did not turn on the ac when guests were not at the room.

Unknown said...

இளா
ஆம். வலைபதிவின் தாக்கம் நம் மனசுக்குள் நிறைய இருக்கு போல. ஓட்டலில் கூட மடிக்கணிணீயை பயன்படுத்தி சில தரம் வலைபதிவுகள் படிச்சேன்:)

ILA (a) இளா said...

ஒரு மாசம் முன்னாடிதான் லாஸ் வேகாஸ் போனீங்க, இப்போ DCயா? என்னய்யா நம்மள விட நீங்க பெரிய ஊர் சுத்தியா இருப்பீங்க போல இருக்கே? 110-120 எல்லாம் எங்களுக்கு ஜகஜம், வந்து பீனிக்ஸல இருந்து பாருங்க. அதான் கிழக்கு ஓரம் வந்துட்டேன் :)

Unknown said...

இளா

பீனிக்ஸ் பல முறை வந்திருக்கிறேன்.ஆனா நீங்கள் சொல்லும் வெயிலில் வந்ததில்லை.வேகஸில் 105, 110ன்னு வெயில் கொளுத்தினபோதும் ஓட்டல் அறை குளிர்ச்சியாக தான் இருக்கும்.

ஹில்டன் மேல் கோபம் வர காரணம் அவர்கள் வாங்கும் வாடகைக்கு அவர்கள் சர்வீஸ் கொடுக்காததுதான். சர்வீஸ் மார்க்கெடிங்துறையை சேர்ந்தவன் என்ற முறையில் வருத்தமும் இருக்கிறது.

கால்கரி சிவா said...

ராஜாஜி ஓட்டலில் குல உணவு இருந்ததா?

ஆக கோபபடுபவர்களை ஞாபகம் வைத்திருப்பீர்கள்

அரேபிய உணவகத்தைப் பார்த்தால் என் ஞாபகம் வருமா ? :)))

நான் அடிக்கடி கால்கரியில் சாப்பிடுவது அரேபிய உணவான சுவர்மாதான் :))

Unknown said...

சிவா

ராஜாஜி ஓட்டலில் சிக்கன் டிக்கா முதல் மட்டன் வரை கிடைக்கிறது:)))

அரேபிய ஓட்டலில் சாப்பிடும்போது உங்கள் நினைவா??இப்பல்லாம் அரேபிய அனுபவம் என்று யாராவது சொன்னாலே உங்கள் நினைவுதான் வருகிறது:))

வவ்வால் said...

வாங்க செல்வன் ,

எங்கே சில காலமாய் தலைமறைவு(வெயிலுக்கு தொப்பி போட்டு இருந்திங்களே அத சொன்னேன்)வந்ததும் ராஜாஜி பவன் பத்திலாம் போட்டு இருக்கிங்க , பரவாலையே இந்திய அரசு எங்கே கட்டடம் கட்டினாலும் ராஜாஜி பவன்,சாஸ்திடி பவன் நு தான் பேரு வைக்கும் போல :-))

Unknown said...

வாங்க வவ்வால்

வேலை ஜாஸ்தி.வெளியூர் பயணம் என்பதால் அடிக்கடி பதிவு போட முடியலை.

//பரவாலையே இந்திய அரசு எங்கே கட்டடம் கட்டினாலும் ராஜாஜி பவன்,சாஸ்திடி பவன் நு தான் பேரு வைக்கும் போல :-)) //

ராஜாஜி ஓட்டல் அரசு ஓட்டல் அல்ல.தனியார் ஓட்டல்:))

Anonymous said...

spare the hilton, see below
news from tha's tamil

வாஷிங்டன்: அமெரிக்கா மற்றும் ஐரோப்பாவில் இந்த ஆண்டு வெப்பம் தகதகத்து வருகிறது. வழக்கத்தைவிட 7 டிகிரி வரை அதிக வெப்பம் நிலவுவதால் மக்கள் தவித்து வருகின்றனர்.

வாஷிங்டனில் கடந்த 77 ஆண்டுகளில் நேற்று தான் மிக அதிகமான வெப்ப நிலை நிலவியது. அங்கு 102 டிகிரி பாரன்ஹீட் வெப்பம் நிலவியது.

வழக்கமாக இந்த மாதத்தில் 88 டிகிரி பாரன்ஹீட் தான் வெப்ப நிலை இருக்கும். ஆனால், இந்த முறை கடும் வெப்பம் நிலவுகிறது.

30 ஆண்டுகளுக்கு முன் வாஷிங்டனில் 101 டிகிரி வெப்பம் பதிவானது தான் ரெக்கார்டாக இருந்து வந்தது. ஆனால், நேற்று அந்த ரெக்கார்டை வெப்பநிலை முறியடித்துவிட்டது. //