Monday, April 24, 2017

லைட்மேன்




லைட்மேன் என ஒரு படம் பார்த்தேன். படமா, டாக்குமெண்டரியா என தெரியவில்லை. ஏன் என்றால் படம் மாதிரி ஆரம்பிச்சு, பேட்டிகளாக நீண்டுவிட்டது. பேட்டியில் சொன்ன விசயங்களை படமாக எடுத்திருந்தால் நல்ல கதையாக அமைந்திருக்குமோ, என்னவோ?

ஆனால் அது சொன்ன விசயங்கள் நெஞ்சை உலுக்கின.

சினிமா லைட்மேன்கள் காலை ஐந்து மணிக்கு எழுந்து, ஆறு மணிக்கு அவுட்டோர் ஆபிஸ் போய்விடவேண்டும். அங்கிருந்து ஷூட்டிங் ஸ்பாட்டுக்கு கூட்டிபோவார்கள். எட்டு, ஒன்பது மணிக்கு ஷூட்டிங் என்றால் காலை ஏழு மணி முதலே லைட்டிங் விளக்குகள், போஸ்டுகளை எல்லாம் ஒழுங்குபடுத்தி வைக்கவேண்டும். 

10 மாடி கட்டிடத்தின் உச்சியில் ஷூட்டிங் என்றாலும் 50 கிலோ எடையுள்ள லைட்டுகளை இவர்கள் தான் தூக்கிகொண்டு படி ஏறி, இறங்கவேண்டும்.

மாலை ஆறுமணிக்கு ஷூட்டிங் முடிந்து எல்லாவற்றையும் மறுபடி வேனில் ஏற்றி, ஆபிஸ் வந்து வீடு திரும்ப ஒன்பது அல்லது 10 மணிஆகிவிடும். மறுபடி காலை ஐந்து மணிக்கு எழவேன்டும். ஷூட்டிங் நாட்களில் பிள்ளைகள் முகத்தை தூங்குகையில் பார்ப்பதுடன் சரி. உடல்வலி பின்னி எடுக்கும்.

ஷூட்டிங் ஸ்பாட்டில் உயிரை விட்டால் ஒன்றரை லட்சம் ரூபாய். அடிபட்டால் அதுவும் கிடையாது. ஒரு நாளைக்கு உடம்பு சரியில்லாமல் வேலைக்கு போகமுடியவில்லை என்றால் அன்றைய வருமானம் கட்.

இத்தனை கஷ்டபட்டு செய்யும் வேலைக்கு ஒரு நாள் ஊதியம் 550 ரூபாய். அத்துடன் மூன்று வேளை ஷூட்டிங் ஸ்பாட்டில் உணவு கொடுத்துவிடுவார்கள்.

கணக்குபோட்டால் மாதம் 25 நாள் ஷூட்டிங் என்றால் 13,570 ரூபாய் மாதவருமானம். அதில் ஒரு லைட்மேன் வாடகையே 5000 ரூபாய் என்றார். மீதகாசில் தான் குழந்தைகளை படிக்க வைப்பது, உணவு,துணிமணி, வைத்திய செலவு எல்லாமே.

லைட்மேன்களுக்கு ஒரு அளவு உதவியவர் என்றால் எம்ஜிஆர் தானாம். ஒருமுறை ஷூட்டிங் ஸ்பாட்டில் லைட்மேன்களுக்கு வெறும் சாம்பார் சாதம் மட்டும் கொடுக்க, அதைகண்டு கோபித்து ஷூட்டிங்கையே கான்சல் செய்துவிட்டாராம்.

அதன்பின் அஜீத்தும் ஜெயலலிதாவும் 1996ல் நடந்த ஸ்ட்ரைக்கின்போது அரிசி, பருப்பு தந்து உதவியதை நெகிழ்ச்சியாக சொல்கிறார்கள்.

பிறநடிகர்கள் இவர்கள் மேல் அன்பு, அக்கறை காட்டினாலும் ஏதோ அவ்வப்போது கொஞ்சம் பணம், துணி என்பதை தாண்டி பெரிதாக எதுவும் செய்யமாட்டார்கள். செய்யவும் முடியாது என இவர்களுக்கு தெரிந்திருக்கிறது. அவர்கள் எத்தனைபேருக்கு தான் உதவமுடியும்?

பொழுதுபோக்கு என பார்த்தால் படத்தில் ஒன்றுமில்லை. சோகபடமும் இல்லை. வாழ்க்கை யதார்த்தத்தை கூறும் ஒரு முயற்சி இது. நாம் அதிகம் அறியாத ஒரு துறையை பற்றிய படம்.

அதில் (டிராஜி) காமடி கூட வந்துபோகிறது

"நாம் இருவர்" என்ற பழைய சிவாஜி- பிரபு பட லைட்மேன் ஒரு சம்பவத்தை கூறினார். இவர்கள் ஒரு காட்டில் ஷூட்டிங் சென்ற சமயம் இவர்கள் போன லாரியை யானை கவிழ்த்துவிட்டு இவர்கள் மயிரிழையில் உயிர்தப்பினார்களாம்.

அடுத்த நாள் பத்திரிக்கை செய்தியில் "ஷூட்டிங் ஸ்பாட்டில் யானைகள் அட்டகாசம். சிவாஜி உயிர்தப்பினார்" என செய்திகள் வந்தனவாம். சிவாஜி அன்று ஷூட்டிங் வரவே இல்லையாம். பரபரப்புக்கு அந்த லைட்மேன்கள் வந்த வேன் படத்தை சிவாஜி வேனாக சித்தரித்து தயாரிப்பாளர்கள் அப்படி செய்தி வரும்படி செய்துவிட்டார்கள்.

அரசு ஏன் சினிமாக்களுக்கு வரும் வரியில் இருந்து வரும் வருமானத்தில் இவர்களுக்கு ஹெல்த் இன்சூரன்ஸ் கொடுக்ககூடாது என மனதில் தோன்றியது.

சினிமா மட்டுமல்ல, வேறு ஆபத்தான துறைகளில் இருக்கும் அடித்தட்டு தொழிலாளருக்கும் இப்படி அந்தந்த துறை வருமானத்தில் எதாவது செய்யலாமே?

செலவு செய்ய ஒருமணிநேரமும், பேட்டிகளை பொறுமையாக உட்கார்ந்து பார்க்கும் மனநிலையும் இருப்பவர்கள் லைட்மேன் பார்க்கலாம்.

பொழுதுபோக்குக்கு பார்ப்பவர்கள் பார்த்தால் ஏமாந்துவிடுவீர்கள்









Tuesday, March 21, 2017

நீச்சல்




நீச்சல் பற்றி ஒரு வித்தியாசமான பிபிசி டாக்குமெண்டரி பார்த்தேன்.

பாலூட்டி இனத்தை சார்ந்த அனைத்து உயிரினங்களுக்கும் நீச்சல் தெரியும் என்பது ஒரு நீண்டகால நம்பிக்கை.

இது உண்மையா என எப்படி சோதிப்பது? உலகில் லட்சகணக்கான வகை பாலூட்டிகள் உள்ளன.

அதிலும் பன்றிகள் நீந்தினால் அவை தம் கழுத்தை தாமே துன்டித்துகொள்ளும் எனும் மூடநம்பிக்கையும் இங்கிலாந்தில் இருந்தது. இது குறித்த ஒரு ஆங்கிலபாடலும் உண்டு

Down the river did glide, with wind and with tide,
A pig with vast celerity;
And the Devil looked wise as he saw how the while
It cut its own throat. "There!" quoth he, with a smile,
"Goes England's commercial prosperity.""

---Samuel Taylor Coleridge (1772-1834)

ஆனால் இந்த நம்பிக்கையை தகர்க்கும் ஒரு சம்பவம் நடைபெற்றது

முதல் உலகபோரில் ஜெர்மானிய கப்பலான டிரெஸ்டன் எனும் கப்பலை ப்ரிட்டிஷ் கப்பல் ஒன்று குண்டுவீசி தகர்த்தது. அப்போது கப்பல்களில் உணவுக்கு பன்றிகளை வளர்ப்பார்கள். கப்பலில் இருந்த டிர்பிட்ஸ் எனும் பன்றி ஒன்று கடலில் குதித்து ஒரு மணிநேரம் நீந்தி கிளாஸ்கோ நகரை வந்தடைந்தது. பன்றி கடலில் நிந்துவதை கண்டு அதிர்ச்சியடைந்த இரு ப்ரிட்டிஷ் மாலுமிகள் அதை தம் படகில் ஏற்றி கரைக்கு கொண்டுவந்தார்கள். அதன்பின் அந்த பன்றியை போர்ட்ஸ்மவுத நகரம் கொண்டுபோய் கண்காட்சியில் எல்லாம் வைத்து அமர்க்களப்படுத்தி, அதை காப்பாற்றிய மாலுமிக்கே தத்தும் கொடுத்தார்கள். அதன்பின் அந்த பன்றியின் மரபணுவை இங்கிலாந்து பன்றிகளுக்கும் செலுத்தவேண்டும் என முடிவெடுத்து, அதை வைத்து இனப்பெருக்கம் எல்லாம் செய்தார்கள்.

இப்படிப்பட்ட காமடிகூத்துகக்ள் நடக்கவும், அதன்பின் பன்றியே நீந்துகிறது என்றால் வேறு எல்லா பாலூட்டிகளும் நீந்தும் என சொல்லாஅரம்பித்தார்கள்.




(படத்தில்: டிர்பிட்ஸ் பன்றியுடன் ப்ரிட்டிஷ் மாலுமிகள்)

1950 முதல் 1960 வரை பல பாலூட்டிகளை தண்ணீரில் தள்ளிவிட்டு சோதனை நடத்தினார்கள்.

ஆனால் அந்த ஆய்வுகள் எல்லாம் மிருகவதை காரணமாக ஆய்வுநெறிக்கு புறம்பானவை என சொல்லி அவற்றின் ரிசல்டுகள் வெளிவரவில்லை.

அதன்பின் அத்தகைய ஆராய்ச்சிகளுக்கு அனுமதியும் கிடைக்கவில்லை.

ஆனால் அந்த ஆய்வுகளில் பலவற்றில் வித்தியாசமான தகவல்கள் கிட்டின

பாலைவனக்கப்பல் என அழைக்கபடும் ஒட்டகம் நீந்தும் என யாரேனும் கற்பனை கூட செய்வோமா?

ஆனால் ஒட்டகம் ஹாயாக நீரில் நீந்தும் ஆற்றல் கொன்டது. நதி, குளம் என எதாவது இடையே வந்தால் ஒட்டகத்தால் அதை நீந்தி கடக்க முடியும்.

யானைகளாலும் நீந்த முடியும். அலெக்காக ஐம்பது கிமி வரை நீந்தும் ஆற்றல் கொண்டது யானை.

இலங்கைக்கு யானைகள் இந்தியாவிலிருந்து நீந்தித்தான் போயின எனவும் ஒரு தியரி உண்டு. கப்பல்கள் மூலம் கொண்டுபோகபட்டன எனவும் சொல்கிறார்கள்.

பூனைக்கு நீர் என்றாலே பிடிக்காது. ஆனால் அதனாலும் நீந்த முடியும்.

ஆர்மடில்லோ எனப்படும் எறும்புதின்னியை கூட தண்ணீரில் தூக்கி போட்ட்டார்கள். அதுவும் அலேக்காக நீந்தியது.

வவ்வால் கூட பறவை எனினும் பாலூட்டிதான். அதனாலும் இறகுகளை பயன்படுத்தி நீந்த முடிந்தது.

ஆனால் இப்படி பாலூட்டிகளுக்கு நீந்த தெரியும் என வெற்றிகரமாக வந்துகொண்டிருந்த ஆய்வுகள் குரங்கினங்களை ஆராய துவஙியதும் குப்புற கழ்விந்தது

சிம்பன்சி, கொரில்லா போன்ரவற்றை நீரில் போட்டபோது மூழ்கிவிட்டன.

அவை இறந்தவுடன் ஆய்வை இழுத்து மூட சொல்லி உத்தரவு வந்துவிட்டது

ஆக ஏப் வகை பாலூட்டிகளுக்கு தான் நீச்சல் வராது என ஒரு புது தியரி இந்த ஆய்வில் வெளியாக்யுள்ளது

ஆனால் இவற்றுக்கு நீச்சல் இயற்கையாக வராதே ஒழிய இவற்றால் நீச்சலை கற்றுகொள்ள இயலும்.

நீச்சல் கற்றுகொண்டு நீந்தும் சிம்பன்சிகள், கொரில்லாக்கள் உள்ளன

மனிதர்களையும் சும்மா நீரில் தூக்கிபோட்டால் மூழ்கிவிடுவோம். ஆனால் நீச்சல் தெரிந்தால் தப்பிவிடுவோம்.

ஒட்டகசிவிங்கி நீந்துமா?

அதை எப்படி தொட்டியில் போடுவது என்ற பிராக்டிக்கல் பிரச்சனை காரணமாக 1960களில் அதை பரிசோதனை செய்யவில்லை. ஆனால் சமீபத்தில் கம்ப்யூட்டர் மாடல் மூலம் ஒட்டகசிவிங்கியால் நீந்த முடியுமா என பரிசோதனை செய்தார்கள்.

அதில் வியப்பளிக்கும் வகையில் ஒட்டகசிவிங்கியால் நீந்த முடியும். ஆனால் அதுக்கு அது சுத்தமாக பிடிக்காது என கண்டுபிடித்தார்கள். ஏனெனில் அதன்மூக்கில் நீர் உள்ளே போய்விடுமாம்.

ஏன் பாலூட்டிகளுக்கு இப்படி இயற்கையாக நீச்சல் வருகிறது?

இவற்றின் நுரையீரலே காரணம் என்கிறாரள் விஞ்ஞானிகள். அதில் ஏராளமாக மூச்சை தேக்கி வைக்கமுடியும். அத்துடன் இவற்றின் உடலில் கொழுப்பு நிறைய இருப்பதும் இவை நீரில் மிதக்க உதவுகின்றனவாம்.