Saturday, January 05, 2013

ப்ரூஸ்லியின் பயிற்சி முறைகள்

ப்ரூஸ்லியின் பயிற்சி முறைகள்

தேங்கி கிடந்த கராத்தே, குங்க்பூ மாதிரி கலைகளுக்கு புத்துணர்வு ஊட்டியவர் ப்ருஸ்லி. அவருக்கு முன் இதெல்லாம் பாரம்பரியமாக மாற்றம் இல்லாமல் சொல்லிகொடுக்கபட்டு வந்தது. கராத்தே படிப்பவர் குங்க்பூ படிக்க மாட்டார். குங்க்பூகாரர் கராத்தே கலைகளை கற்க மாட்டார். இருவரும் மற்ற விளையாட்டுக்கள், நவீன அறிவியலிடமிருந்து எதையும் தம் கலைக்கு புதிதாக கொண்டு வர மாட்டார்கள்.

Inline image 1

ஆனால் ப்ரூஸ்லி கராத்தே, குங்க்பூ, ஜூடோ மாதிரி பல கலைகளில் இருந்தும் பயிற்சிமுறைகளை எடுத்து "ஜீட் குன் டோ" எனும் புதிய தற்காப்பு கலையை உருவாக்கினார். பளுதூக்கும் பயிற்சிகள் என்றாலே அன்று தற்காப்புகலைவீரர்களுக்கு அலர்ஜி. ஆனால் புரூஸ்லி பாடிபில்டிங் பயிற்சிகளை செய்தார். "பெரிய சதையே வலுவான சதை" எனவும் கூறினார்.

வயிற்று சதையை மிக முக்கியமாக கருதிய ப்ரூஸ்லி "எவ்விதமான பயிற்சிகளை செய்யவும் வயிற்று சதைகள் வலுவாக இருப்பது முக்கியம்" என்றார். சும்மா உட்கார்கையில் கூட வயிற்றுக்கு கர்ல்ஸ், லெக் ரைஸ் மாதிரி பயிற்சிகளை செய்துகொண்டே இருப்பார்.

ப்ரூஸ்லியின் உணவு கட்டுபாடு மிக தீவிரமானது. பிறப்பால் அமெரிக்கராக இருந்தாலும் சீன வம்சாவளியை சேர்ந்தவர் புரூஸ்லி. அமெரிக்க பேக்கரி, மாவில் செய்த உணவுகள் அனைத்தும் குப்பை என இன்று உடல்நலம் குறித்த ஆய்வுகள் சொல்வதை அன்றே கண்டறிந்தவர் புரூஸ்லி. அதிகமான அளவில் புரதம், காய்கறிகள், பழங்கள் ஆகியவற்றை உண்டார். மூன்று வெளை உண்பதற்கு பதில் ஆறு வேளைகள் சின்ன சின்ன அளவுகளில் உண்டார்.

புரூஸ்லி தினமும் மூன்று மணிநேரம் உடல்பயிற்சி செய்வார். காலை 7 முதல் 9 மணீவரை ஓடுதல், சைக்கிள், ப்ளெக்சிபிளிட்டி பயிற்சிகளை செய்வார். அதன்பின் 11 மணி முதல் 12 மணிவரை பளுதூக்குதல் மற்றும் சைக்கிளிங் பயிற்சிகளை செய்வார்.

தினமும் ஆறுமைல் தூரத்தை 45 நிமிடத்தில் ஓடிகடப்பார் புரூஸ்லி.

இத்தகைய பயிற்சிகளால் அமெரிக்காவில் நடந்த அனைத்து கராத்தே போட்டிகளிலும் புரூஸ்லியும் அவரது சீடர்களும்மே வென்று வந்தார்கள்.

புரூஸ்லியால் கராத்தே, குங்க்பூ மாதிரி தற்காப்பு கலைகள் சீனாவிலும், உலகம் முழுவதிலும் மீண்டும் உயிர்த்து எழுந்தன. புரூஸ்லி உருவாக்கிய ஜீட் குண்டோ இன்று சீன அரசால் பல்கலைகழக்ங்களில் கற்பிக்கபட்டு வருகிறது.

Thanks: http://en.wikipedia.org/wiki/Bruce_lee

1 comment:

Unknown said...

தமிழர்களின் தற்காப்பு கலைகள் பற்றி விரிவாக தெரிந்து கொள்ள ....http://www.valaitamil.com/kids_Self-defense