92.குரங்கே இனி கடவுள்.

மதுமிதா அவர்களுக்காக இந்த பதிவு வலை பதிவர் பெயர் : செல்வன் வலைப்பூ பெயர்: உலகின் புதிய கடவுள் வலைப்பதிவின் சுட்டி: www.holyox.blogspot.com www.holyape.blogspot.com ஊர்: கோவை நாடு: இந்தியா வலைப்பூ அறிமுகம் செய்தவர்: நானே கண்டுபிடித்தேன். முதல் பதிவு ஆரம்பித்த நாள்,வருடம் : ஜனவரி 17 2006 இது எத்தனையாவது பதிவு:92 இப்பதிவின் சுட்டி(உர்ல்): http://holyox.blogspot.com/2006/05/92.html வலைப்பூ ஏன் ஆரம்பித்தீர்கள்: கடவுளாக வேண்டுமென்றுதான். சந்தித்த அனுபவங்கள்: தரம் வாய்ந்த கட்டுரைகளை இடவேண்டும் என்பதே என் லட்சியம்.அதற்குண்டான ரசிகர் வட்டம் சிறிது என்றாலும் தரத்துடன் சுவாரசியத்தை கலந்தால் நல்ல ரசிகர் வட்டம் வருமென நம்புகிறேன்.எழுத துவங்கியபோது அதற்கு வரவேற்பு எப்படி இருக்குமோ என பயந்தது உண்மை.அந்த பயம் இன்னும் அப்படியே இருக்கிறது என்றாலும் இதுவரை என் மீது எந்த முத்திரையும் குத்தப்படாமல் இருப்பது பற்றி எனக்கு மகிழ்ச்சி.முற்போக்குவாதம்,பிற்போக்குவாதம்,ஆத்திகம்,நாத்திகம்,சினிமா,கதைகள், பெண்ணியம்,வணிகம்,தத்துவம்,பின்நவீனத்துவம் என அனைத்தையும் கலந்து எழுதிவருவதால் அனைவரும் குழம்பிப்போய் எனக்கு எந்த முத்திரையும் குத்தாமல் இப்படியும் ஒரு ஜந்து தமிழ்மணத்தில் இருக்கட்டும் என விட்டு வைத்துள்ளனர் என நினைக்கிறேன். பெற்ற நண்பர்கள்: என் பதிவை படிக்கும் அனைத்து வாசகர்களும் எனக்கு வலைப்பதிவு மூலம் கிடைத்த நண்பர்களே. கற்றவை: Politically correctஆக எழுதுவது மிகவும் சிரமம்.ஆனால் எழுத்துலகில் சர்வைவலுக்கு அது அவசியம். எழுத்தில் கிடைத்த சுதந்திரம்: எழுத்தே சுதந்திரத்தின் உயிர்நாடி தானே?என் எழுத்துக்களுக்கு நானே அணிவித்துக்கொண்ட விலங்குகள் அன்றி வேறேதும் தடைகள் இதுவரை வந்ததில்லை.எழுத்துலகில் புரட்சி செய்ய இன்னும் நான் வளர வேண்டும் என உணர்கிறேன். இனி செய்ய நினைப்பவை: கொஞ்சம் காசு கிடைத்தால் என் பிளாக்கை ஒரு வலைத்தளமாக மாற்றுவது.இணைய பத்திரிக்கை ஒன்று துவக்குவது.இந்தியாவை வளர்ச்சி பெற்ற நாடாக மாற்ற சொல்லாலும்,செயலாலும் உதவுவது. உங்களைப் பற்றிய முழுமையான குறிப்பு: நான் கடவுள். இன்னும் நீங்கள் சொல்ல நினைக்கும் ஒன்றைச் சேர்க்கலாம்: கடவுள் இறந்துவிட்டார்.மனிதனே இனி உலகின் புதிய கடவுள்.அந்த பொறுப்பை அவன் ஏற்க வேண்டும்.அவன் அதை செய்ய தயங்குகிறான்.பழைய கடவுள் சாகவில்லை,உயிரோடு இருக்கிறார் என அவன் அஞ்சுகிறான்.அந்த அச்சத்தை விடுத்து பழைய கடவுளின் சாம்பல் மேல் புதிய கடவுளாக மனிதன் உலகை ஆள வேண்டும். Homo sapiens குரங்கே இனி கடவுள்.