Wednesday, January 25, 2006

தீதும் நன்றும் பிறர் தர வாரா

சீனாவில் ஒரு கிராமத்தில் ஒரு இளம்பெண் கல்யாணம் ஆகாமலேயே கர்ப்பமாகி விட்டாள்.அவள் காதலன் வெளியூர் போய் விட்டான்.பயம் அவளை ஆட்டிப் படைத்தது.அவள் வீட்டில் விஷயம் தெரிந்ததும் பூகம்பமே வெடித்தது. பயந்து போய் அவள் அந்த ஊர் மரத்தடியில் இருந்த பாகியான் எனும் துறவி மேல் பழி போட்டு விட்டாள்.அவள் அப்பாவும் அண்ணனும் பாகியானிடம் சண்டைக்கு போனார்கள்.உலகத்தில் இருந்த அத்தனை கெட்ட வார்த்தைகளையும் பயன்படுத்தி அவரை திட்டி தீர்த்தார்கள். பாகியான் ஒன்றும் பேசவில்லை.அவர்கள் திட்டி முடித்ததும் 'அப்படியா விஷயம்?" என்று மட்டும் சொன்னார்.அது அவர்களுக்கு மேலும் கோபமூட்டியது.மறுபடி திட்டி தீர்த்துவிட்டு வீட்டுக்கு போய் விட்டார்கள். சில மாதம் கழித்து அந்த பெண்ணுக்கு குழந்தை பிறந்தது.அவமானமடைந்த பெண்ணின் தகப்பனார் குழந்தையை கொண்டு போய் பாகியானிடமே கொடுத்தார்."உன் குழந்தை.நீயே வளர்த்து கொள்" என்று சாபம் இட்டுவிட்டு மண்ணை வாரி தூற்றினார். இப்போதும் பாகியான் எதுவும் சொல்லவில்லை."அப்படியா விஷயம்" என்று சொல்லி குழந்தையை வாங்கிக் கொண்டார்.அந்த குழந்தையை தான் பெற்ற குழந்தை போல வளர்த்தும் வந்தார். இந்த கதை ஊர் முழுக்க தெரிந்து எல்லாரும் பாகியானை திட்ட துவங்கி விட்டார்கள்.சிறுவர்கள் கூட அவரை கிண்டலடித்தனர்.அவர் அதை ஒன்றும் கண்டுகொள்ளவில்லை. 1 வருடம் கழித்து காதலன் ஊர் திரும்பினான்.அந்த பெண்ணின் தகப்பனை சந்தித்து நடந்ததை சொன்னான்.பெண்ணை எல்லாரும் சேர்ந்து திட்டினார்கள்.பாகியான் மீது பழி போட்டதை அவள் ஒத்துக்கொண்டாள். தயங்கி தயங்கி எல்லாரும் பாகியானிடம் போனார்கள்.மன்னிப்பு கேட்டார்கள்.குழந்தையை தர சொல்லி கேட்டார்கள்.'அப்படியா விஷயம்' என்றார் பாகியான்.குழந்தையை கொடுத்துவிட்டார். எல்லாரும் தலை குனிந்து கொண்டு வீட்டுக்கு திரும்பினார்கள். This is a zen story
Post a Comment