Saturday, November 11, 2006

210. கருணாநிதி, ஜெயலலிதாவின் சொத்து மதிப்பு எவ்வளவு?

திடீரென எனக்கு ஒரு விபரீத ஆசை வந்துவிட்டது. அதாவது நமது தமிழகத்தில் உள்ள மிகப்பெரும் கோடிஸ்வரர்களான அம்மாவும், ஐயாவும் எத்தனை சொத்து சேர்த்திருப்பார்கள் என்பதை கணக்கிடும் ஆசைதான். இது சாதாரண மனிதனால் இயலும் காரியமல்ல என்பதால் குத்து மதிப்பாக தான் கணக்கிடுகிறேன். சன்டிவியின் 10% பங்கு பங்குசந்தையில் விற்பனைக்கு வந்துள்ளது. மொத்தம் 68,89,000 பங்குகள்(10%) பங்கு ஒன்றுக்கு 1500 ரூபாய் என்ற விகிதத்தில் பங்குசந்தையில் விற்கப்பட்டுள்ளது. கலாநிதிமாறன் வசமுள்ள மீதம் 90% பங்குகளையும்(6200100) பங்கு ஒன்றுக்கு 1500 ரூபாய் என்ற மதிப்பீட்டில் கணக்கிட்டால் கலாநிதிமாறன் வசமுள்ள சன்டிவி பங்குகளின் மதிப்பு :9300 கோடி ரூபாய்கள் அரசியலில் சுத்தமாக ஈடுபடாத கலாநிதிமாறன் மட்டும் 9300 கோடி ரூபாய்க்கு சொத்து சேர்க்க முடிகிறது என்றால் ஐயாவின் சொத்து எத்தனை இருக்கும் என்பதை நம்மால் யூகிக்க முடியுமா என்ன? குத்துமதிப்பாக கலாநிதியின் சொத்தை விட மொத்தம் 10 மடங்கு அதிகம் இருக்கும் என வைத்துகொண்டால் கூட கலைஞர் ஐயாவின் குடும்ப சொத்து மதிப்பு 93,000 கோடி ரூபாய்கள். கலைஞருக்கு சற்றும் சளைக்காதரவான அம்மா மட்டும் சும்மா இருப்பாரா என்ன? அவரும் இதே அளவிலான சொத்துக்களை சேர்த்திருப்பார் என்பது உறுதி. ஆக அம்மாவின் சொத்து மதிப்பும் 93,000 கோடி ரூபாய் என வைத்துக்கொண்டால்... அம்மா மற்றும் ஐயாவின் மொத்த சொத்து மதிப்பு 186,000 கோடி ரூபாய்கள். தமிழ்நாட்டின் ஜனத்தொகை 5 கோடி.(குடும்பத்துக்கு 4 பேர் என கணக்கு போட்டால் மொத்தம் 1.25 கோடி குடும்பங்கள்) 186,000 கோடியை 1.25 கோடியால் வகுத்தால் கிடைப்பது 148,800 ரூபாய். அதாவது ஐயாவிடமும், அம்மாவிடமும் உள்ள சொத்துக்களை பிரித்து கொடுத்தால் தமிழ்நாட்டின் ஒவ்வொரு குடும்பத்துக்கும் 148,800 ரூபாய் கிடைக்கும். இதை வைத்துக்கொண்டு சுயதொழில் செய்தால் தமிழ்நாட்டின் ஒவ்வொரு குடும்பமும் முன்னேறும். தமிழ்நாடும் ஜப்பானுக்கும், அமெரிக்காவுக்கும் போட்டியாக வளர்ந்த நாடாகி விடும். ஏழ்மை என்பதே தமிழகத்தில் அதன்பின் இருக்காது. வறுமைக்கோடு, மலமள்ளுபவர்கள் என அனைத்து குடும்பமும் முன்னேற இதுதான் சிறந்த வழி. செய்வார்களா அம்மாவும், ஐயாவும்? பி.கு:பின்னூட்டம் இடுபவர்களின் வசதிக்கு சில டெம்ப்ளேட்டுகள் ஐயா மற்றும் அம்மாவின் சொத்தின் மீது கை வைக்க வேண்டுமென்றால் கூடவே விஜயகாந்த், அம்பானி, நாராயணமூர்த்தி, கார்ப்பரேட் சாமியார்கள் மற்றும் திருக்கோயில்களின் சொத்தையும் பிடுங்க வேண்டும். தமிழ்நாட்டில் மட்டும்தான் இப்படியா?ஆந்திரா, குஜராத், மணிப்பூர், சோமாலியா, பர்மா, மலேசியாவை பார். அங்கும் இப்படித்தான் ஊழல் நடக்கிறது ஒட்டுமொத்தமாக தனியார் சொத்தையே தடை செய்து பொதுவுடமை சமூகம் மலரவேண்டும். அப்படி செய்த பிறகு தான் ஐயா மற்றும் அம்மா சொத்தின் மீது கை வைக்க வேண்டும்.
Post a Comment