The naked Prey (1966)

1966ல் வெளிவந்த பீரியட் படம். அடிமை முறை நிலவிய 1866 காலகட்டத்தில் நடந்ததாக கூறப்படும் கதை. ஆப்பிரிக்க கண்டத்துக்கு காலனி ஆதிக்கத்தின் பொருட்டு செல்லும் வெள்ளையர் ஒருவரின் கதை.இப்போது இந்த படம் எடுக்கப்பட்டிருந்தால் பலத்த சர்ச்சையில் சிக்கியிருக்குமோ என்னவோ?

ஆபிரிக்க யானைகளை கொன்று தந்தத்தை எடுக்க வெள்ளையர் குழு ஒன்று தென்னாப்பிரிக்காவுக்கு செல்கிறது.போன இடத்தில் ஒரு ஆதிவாசிகள் குழுவை விவரம் தெரியாத வெள்ளையர் ஒருவர் அவமதிக்கிறார்.கோபமடைந்த ஆதிவாசிகள் படை எடுத்து குழு உறுப்பினர்கள் அனைவரையும் வித விதமாக சித்திரவதை செய்து கொல்கின்றனர்.கடைசியாக கதைநாயகன் கார்னல் வைல்ட் (இயக்குனரும், ஹீரோவும் இவர்தான்) மட்டுமே எஞிசியிருக்கிறார்.ஒரு மாற்றத்துக்கு இவரை வேட்டையாடி கொல்வதென்று முடிவெடுத்து இவரை நிர்வாணமாக்கி ஓடவிட்டு துரத்துகின்றனர்.

வைல்டை கொல்லவரும் ஒருவனை வைல்ட் எதேச்சையாக கொன்றுவிடுகிறார்.ஆவேசமடைந்த ஆதிவாசி இளைஞர்கள் வெறியுடன் இவரை துரத்துகின்றனர்.ஓட்டம் ஆரம்பிக்கிறது.

அடுத்த ஒரு மணிநேரம் முழுக்க ஓட்டம்தான்.வேட்டையாடிடியே பழக்கப்பட்ட ஆதிவாசிகள் வைஒல்ட் விட்டுபோன தடையங்களை வைத்து அவரை பின் தொடர்கின்றனர்.அவ்வப்போது வைல்டை பிடிக்க முனைகையில் அவர் இவர்களை கொல்கிறார்.தான் கொன்றவர்களிடமிருந்து ஆயுதங்களையும், உடையையும், செருப்பையும் எடுத்து அணிகிறார்.பல நாட்கள் ஓடி இறுதியில் தனது கோட்டையை அடைகிறார்.துரத்திவந்த ஆதிவாசி இளைஞர்கள் குழு தலைவன் அவருக்கு கையசைத்து விடை கொடுக்கிறான்.."உன் திறமையை நான் அங்கீகரிக்கிறேன்" என்பது போல..வைல்டும் கையசைக்கிறார்.

படம் ஆஸ்கார் விருதுக்கு பரிந்துரைக்கப்ப்ட்ட படம்.மிக சிறப்பான காட்சியமைப்புக்களை கொண்டது.படத்தில் வரும் ஆங்கில வசனங்களை விரல் விட்டு எண்ணிவிடலாம்.சொல்லப்போனால் படத்தில் ஆங்கிலத்தை விட ஸ்வாஹிலி மொழி தான் அதிகம் பேசப்படுகிறது (துரத்தி வரும் இளைஞர்கள் பேசுவது)..அதை மொழிபெயர்க்காமல் அப்படியே விட்டது படத்தின் இயல்புத்தன்மையை மேம்படுத்துகிறது.துரத்தி வருபவர்கள் வைல்டை பிடிக்க கையாளும் உத்திகள் நன்றாக இருக்கின்றன.வைல்டும் அதிலிருந்து தப்ப பல உத்திகளை கையாள்கிறார்.

நல்லதொரு பீரியட் ஆக்ஷன் படம் பார்க்கவேண்டும் என நினைப்பவர்கள் இந்த படத்தை கட்டாயம் ரசிப்பார்கள்.